ვფიქრობ, ძალიან მნიშვნელოვანია რომ საქართველოსა და აშშ-ს შორის პირდაპირი ავიარეისები დაიწყოს - მამუკა ბახტაძე
ამობეჭდვა · 04 / 04 / 2019 14:35
ვფიქრობ, ძალიან მნიშვნელოვანია რომ საქართველოსა და აშშ-ს შორის პირდაპირი ავიარეისები დაიწყოს - მამუკა ბახტაძე

საქართველოსა და ამერიკის შეერთებულ შტატებს შორის ურთიერთობები ასეთ მაღალ დონეზე არასდროს ყოფილა და მე ვფიქრობ, ძალიან მნიშვნელოვანია რომ ქვეყნებს შორის დაიწყოს პირდაპირი ავიარეისები, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყების წინ გამართულ ბრიფინგზე განაცხადა.

 

მთავრობის მეთაურის თქმით, ეკონომიკის სამინისტრო მუშაობს შესაბამის ეკონომიკურ კვლევაზე, რომელიც რამდენიმე კვირაში დასრულდება.

 

„აღნიშნული კვლევა დაგვეხმარება, რომ მოვიძიოთ შესაბამისი კომპანია, რათა დროულად დაიწყოს ფრენები საქართველოსა და ამერიკის შეერთებულ შტატებს შორის. დარწმუნებული ვარ, პირდაპირი ავიარეისები ჩვენ დაგვეხმარება, ერთიორად გავზარდოთ ის ეკონომიკური პოტენციალი, რაც ორ ქვეყანას შორის ეკონომიკური თვალსაზრისით არსებობს“, - განაცხადა მამუკა ბახტაძემ.