ირაკლი კობახიძე კატარის ემირს შეხვდა
ამობეჭდვა · 09 / 04 / 2019 13:16
ირაკლი კობახიძე კატარის ემირს შეხვდა

საქართველოს პარალამენტის თავმჯდომარე ირაკლი კობახიძე, რომელიც ვიზიტით დოჰაში იმყოფება, კატარის ემირს, შეიხ თემიმ იბნ ჰამედ ალ თანის შეხვდა.

შეხვედრაზე ორ ქვეყანას შორის არსებული ორმხრივი და მრავალმხრივი ურთიერთობები განიხილეს და თანამშრომლობის გაღრმავების პერსპექტივებზე იმსჯელეს.

ყურადღება გამახვილდა სავაჭრო-ეკონომიკურ და ტურიზმის სფეროში თანამშრომლობის გააქტიურებასა და მაღალი დონის გაცვლითი ვიზიტების მნიშვნელობაზე.

პარლამენტის თავმჯდომარემ კატარის ემირი საქართველოში მოიწვია.

ირაკლი კობახიძე, თანხმლებ დელეგაციასთან ერთად, საერთაშორისო საპარლამენტო კავშირის რიგით 140-ე ასამბლეაში იღებს მონაწილეობას.

დელეგაციის შემადგენლობაში საქართველოს პარლამენტის დელეგაციის შემადგენლობაში დეპუტატები: მამუკა მდინარაძე, დავით მათიკაშვილი, დავით ბაქრაძე, გიორგი ხატიძე და ივლიანე წულაია, პარლამენტის აპარატის უფროსი გივი მიქანაძე და პარლამენტის თავმჯდომარის კაბინეტის უფროსი, ნიკოლოზ სამხარაძე შედიან.​

ტეგები