ბათუმის საკრებულოში დაშავებული „ნაცმოძრაობის“ წევრი საავადმყოფოში გადაჰყავთ
ამობეჭდვა · 12 / 04 / 2019 13:53
ბათუმის საკრებულოში დაშავებული „ნაცმოძრაობის“ წევრი საავადმყოფოში გადაჰყავთ

ბათუმის საკრებულოში ფიზიკური დაპირისპირების შედეგად „ნაციონალური მოძრაობის“ წევრი როინ ზოიძე დაშავდა. ადგილზე სასწრაფო-სამედიცინო დახმარების ბრიგადა გამოიძახეს, რომელსაც დაშავებული საავადმყოფოში გადაჰყავს. ამის შესახებ "ინტერპრესნიუსი" წერს.

ზოიძის განაცხადებით, მას „ქართული ოცნების“ წევრებმა დაზიანებები სახის არეში მიაყენეს.

ამ წუთებში ბათუმის საკრებულოს სხდომათა დარბაზში შესვენებაა გამოცხადებული.

შეგახსენებთ, ბათუმის საკრებულოში „ქართული ოცნებისა“ და „ნაციონალური მოძრაობის“ წევრები დღეს უკვე მეორედ, ერთმანეთს ფიზიკურად დაუპირისპირდნენ.

ტეგები