სამგორის რაიონში ქიზიყის ქუჩის რეაბილიტაცია ხორციელდება
ამობეჭდვა · 16 / 04 / 2019 17:10
სამგორის რაიონში ქიზიყის ქუჩის რეაბილიტაცია ხორციელდება

სამგორის რაიონის გამგეობა ორხევის დასახლებაში, ქიზიყის ქუჩის რეაბილიტაციას ახორციელებს. სამუშაოების ფარგლებში, 700-მეტრიანი ცენტრალური გზა და საცხოვრებელ სახლებთან მისასვლელი მონაკვეთები მოწესრიგდება. ასფალტის საფარი საერთო ჯამში, 4 550 კვ.მ ფართობზე დაიგება. 
 
ქიზიყის ქუჩაზე ასფალტის საფარი დღემდე არ არსებობდა, რის გამოც, მოსახლეობას გადაადგილების პრობლემა ექმნებოდა. აღნიშნული პროექტის დასრულების შემდეგ კი ადგილობრივები განახლებული ინფრასტრუქტურით ისარგებლებენ. 
 
მიმდინარე საგზაო სამუშაოები სამგორის რაიონის გამგებელმა კახა გულედანმა დაათვალიერა. 
 
„სამგორის რაიონში არაერთი ქუჩა გვაქვს, სადაც ათეულობით წლის განმავლობაში საგზაო ინფრასტრუქტურა არ მოწყობილა. გამგეობისთვის მსგავსი პროექტები განსაკუთრებულად პრიორიტეტულია. ქიზიყის ქუჩაზე საგზაო ინფრასტრუქტურა დღემდე არ მოწესრიგებულა. ამჟამად, აღნიშნულ ქუჩაზე ასფალტის საფარს ვაგებთ. ასევე, ვაწესრიგებთ საცხოვრებელ სახლებთან მისასვლელ მონაკვეთებს. სამგორის გამგეობა ორხევში ინფრასტრუქტურულ სამუშაოებს სხვა მისამართებზეც ახორციელებს - მალე დასრულდება სააკაძის ქუჩის რეაბილიტაცია, ასფალტის საფარი უკვე დავაგეთ კაკაბაძის ქუჩაზე“, - განაცხადა კახა გულედანმა. 
 
პროექტი სამგორის რაიონის გამგეობის ბიუჯეტიდან 285 000 ლარით დაფინანსდა.  საგზაო სამუშაოებს კომპანია „ენდი როუდი“ აწარმოებს.