სტენდფორდის უნივერსიტეტის მკვლევართა ჯგუფმა უნიკალური მზის პანელების განვითარება შეძლო
ამობეჭდვა · 24 / 04 / 2019 16:37
სტენდფორდის უნივერსიტეტის მკვლევართა ჯგუფმა  უნიკალური მზის პანელების განვითარება შეძლო

სტენდფორდის უნივერსიტეტის მკვლევართა ჯგუფმა შეძლო უნიკალური მზის პანელების განვითარება. "ენერგოპლატფორმის" ინფორმაციით, დრეკადი და თვითწებვადი მზის პანელები შეიძლება გამოყენებული იქნეს ნებისმიერ ზედაპირზე.

მათივე ცნობით, სტანდარტული მზის პანელები არის ძალიან მძიმე, ამიტომაც მათი გამოყენება გარკვეულ პირობებში შეზღუდულია. დრეკადი მზის პანელების სისქე კი სულ რამდენიმე მიკრონია, შესაბამისად, მისი სისქისა და მოქნილობის (პლასიკურობის) წყალობით ის შეიძლება განთავსდეს ნებისმიერ ზედაპირზე, თუნდაც მობილურ მოწყობილობაზეც კი.

ეს ულტრა თხელი პანელები ზუსტად იგივე რაოდენობით აწარმოებენ ენერგიას, როგორც სტანდარტული მზის პანელები. აგრეთვე, დრეკადი მზის პანელების უპირატესობად შეიძლება ჩაითვალოს ის, რომ მათი მონტაჟი არის ძალიან მარტივი და მათ ინსტალაციაზე შეიძლება როგორც დროის, ისე თანხის დაზოგვა.

ტეგები