ევროპის საბჭოს საპარლამენტო ასამბლეის პრეზიდენტი წეროვანში, იძულებით გადაადგილებულ პირთა დასახლებაში და სოფელ ოძისში, ადმინისტრაციულ საზღვართან იმყოფებოდა
ამობეჭდვა · 29 / 04 / 2019 19:43
ევროპის საბჭოს საპარლამენტო ასამბლეის პრეზიდენტი წეროვანში, იძულებით გადაადგილებულ პირთა დასახლებაში და სოფელ ოძისში, ადმინისტრაციულ საზღვართან იმყოფებოდა

საქართველოში ოფიციალური ვიზიტით მყოფი ევროპის საბჭოს საპარლამენტო ასამბლეის პრეზიდენტი, ლილიან მორი პასკიე წეროვანში იძულებით გადაადგილებულ პირთა დასახლებას ეწვია.

ევროპის საბჭოს საპარლამენტო ასამბლეის პრეზიდენტი დაინტერესდა დევნილთა უფლებრივი მდგომარეობით, გაეცნო განსახლებისა და დასაქმების პროგრამებს, ასევე განათლების ხელმისაწვდომობისა და იძულებით გადაადგილებულ პირთა ინტეგრაციასთან დაკავშირებულ სხვა საკითხებს.

დღესვე, ლილიან მორი პასკიე სოფელ ოძისში, ადმინისტრაციულ საზღვართან იმყოფებოდა, სადაც საოკუპაციო ხაზთან არსებულ მდგომარეობას გაეცნო.

ევროპის საბჭოს საპარლამენტო ასამბლეის პრეზიდენტი საქართველოს ევროპის საბჭოში გაწევრიანების 20 წლის იუბილესთან დაკავშირებით იმყოფება.

 

ტეგები