თბილისის მერია განცხადებას ავრცელებს
ამობეჭდვა · 09 / 05 / 2019 11:36
თბილისის მერია განცხადებას ავრცელებს

დედაქალაქის მერია თბილისის ოპერისა და ბალეტის სახელმწიფო თეატრის ბაღში არსებული შადრევნის დაზიანების ფაქტს ეხმაურება და აცხადებს, რომ ადგილი ჰქონდა ბალერინების ქანდაკებების დაზიანებას.

"განზრახ დაზიანების ფაქტზე შინაგან საქმეთა სამინისტრომ გამოძიება საქართველოს სსკ-ის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

თბილისის მერიის “ეკოსერვის ჯგუფმა” ქანდაკებები საცავში გადაიტანა, მათი შემდგომი რეაბილიტაციის მიზნით. უახლოეს
მომავალში მოხდება შადრევნის სრული რეაბილიტაცია და ქანდაკებები ბაღს დაუბრუნდება.

მოვუწოდებთ მოსახლეობას, გაუფრთხილდნენ თბილისს, მის კულტურულ მემკვიდრეობას და დედაქალაქის ინფრასტრუქტურას", - ნათქვამია თბილის მერიის მიერ გავრცელებულ განცხადებაში.

ტეგები