თბილისიდან დელიში მიმავალმა თვითმფრინავმა მარშრუტს გადაუხვია
ამობეჭდვა · 12 / 05 / 2019 10:03
 თბილისიდან დელიში მიმავალმა თვითმფრინავმა მარშრუტს გადაუხვია

თბილისიდან დელის მიმართულებით მიმავალმა თვითმფრინავმა მარშრუტს გადაუხვია.  ამის შესახებ ინდურ მედიაზე დაყრდნობით 1tv.ge წერს.

საქმე ეხება ან-12-ს, რომლის ეკიპაჟსაც ინდოეთის ხელისუფლებამ საჰაერო სივრცის დარღვევაში დასდო ბრალი და ავიაგამანადგურებლებმა აიძულეს ლაინერს, ჯაიპურის აეროპორტში დაშვებულიყო.

ადგილზე მობილიზებული იყო პოლიცია და ანტიტერორისტული ქვედანაყოფი, რომელმაც თვითმფრინავი შეამოწმა. ამის შემდეგ მათ ეკიპაჟის წევრები დაკითხეს.

თავდაპირველად თვითმფრინავი ქართული ეგონათ, თუმცა მოგვიანებით გაირკვა, რომ ის უკრაინული იყო. პოლიციამ ბორტზე საეჭვო ვერაფერი აღმოაჩინა და სატვირთო საჰაერო ხომალდს ფრენის გაგრძელების საშუალება მისცა. რა სახის ტვირთი გადაჰქონდა თვითმფრინავს, უცნობია.

ტეგები