ბრიუსელის მთავარი სიმბოლო „მანეკენ პისი“ ჩოხით შეიმოსა
ამობეჭდვა · 27 / 05 / 2019 10:07
ბრიუსელის მთავარი სიმბოლო „მანეკენ პისი“ ჩოხით შეიმოსა

26 მაისს, ბრიუსელში ქალაქის მთავარი სიმბოლო ჩოხით შეიმოსა და ასე მიულოცა ქართველ ხალხს დამოუკიდებლობის დღე. ინფორმაციას საქართველოს საგარეო უწყება ავრცელებს.

ღონისძიებაზე დამსწრე საზოგადოებას სიტყვით მიმართა საქართველოს საგანგებო და სრულუფლებიანმა ელჩმა, ნატალი საბანაძემ.

კულტურული პროგრამა ქართული სათვისტომოს წარმომადგენლებმა და ქალაქ ბრიუსელის მერიის გუნდმა წარმოადგინეს.

„მანეკენ პისი“ ბრიუსელში 1618 წელს განათავსეს და მას არაერთი ლეგენდა უკავშირდება. „მანეკენ პისის“ საკუთარი მუზეუმიც აქვს, სადაც დამთვალიერებლებისთვის მისი 900-ზე მეტი საზეიმო სამოსია წარმოდგენილი.

ტეგები