მაგდა პაპიძის პირველი კადრები გასამართლების შემდეგ (ვიდეო+ფოტო)
ამობეჭდვა · 30 / 05 / 2019 17:29

ქმარ-შვილის განზრახ მკვლელობაში მსჯავრდებული მაგდა პაპიძე სასჯელაღსრულების დაწესებულებიდან სამოქალაქო კლინიკაში გადაიყვანეს.

უვადო პატიმრობაში მყოფი მაგდა პაპიძის კლინიკაში შეყვანისა და გამოყვანის ექსკლუზიურ კადრებს "პრაიმტაიმი" ავრცელებს. ის სამედიცინო დაწესებულებაში გაძლიერებული ბადრაგის თანხლებით მიიყვანეს.

მაგდა პაპიძემ დაახლოებით ერთი თვის წინ თვალის ოპერაცია გაიკეთა, დღეს კი ექიმთან გეგმიურ შემოწმებაზე იმყოფებოდა.

მედპერსონალის ინფორმაციით, იყო საშიშროება, რომ ერთ თვალში მას მხედველობა საერთოდ დაეკარგა, თუმცა ოპერაციაც და პოსტოპერაციული პროცესიც წარმატებით დასრულდა.

შეგახსენებთ, რომ 2016 წლის 4 ივლისს, ნაფიც მსაჯულთა სასამართლომ მაგდა პაპიძე დამნაშავედ სცნო დამამძიმებელ გარემოებებში ქმრისა და მცირეწლოვანი შვილის განზრახ მკვლელობაში (დანაშაული გათვალისწინებული საქართველოს სისხლის სამართლის კოდექსის 109-ე მუხლით). 2016 წლის 6 ივლისს, თბილისის საქალაქო სასამართლომ მას უვადო თავისუფლების აღკვეთა მიუსაჯა.

width=600

width=600


 

ტეგები