ანრი ოხანაშვილმა და სოფო კილაძემ გერმანიის ბუნდესტაგის ვიცეპრეზიდენტს, თომას ოპერმანს საქართველოში მიმდინარე და განხორციელებული რეფორმები გააცნეს
ამობეჭდვა · 13 / 06 / 2019 17:43
ანრი ოხანაშვილმა და სოფო კილაძემ გერმანიის ბუნდესტაგის ვიცეპრეზიდენტს, თომას ოპერმანს  საქართველოში მიმდინარე და განხორციელებული რეფორმები გააცნეს

იურიდიულ საკითხთა კომიტეტის თავმჯდომარე ანრი ოხანაშვილი და ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე საქართველოში ვიზიტით მყოფ გერმანიის ბუნდესტაგის ვიცეპრეზიდენტს, თომას ოპერმანსს და გერმანიის ბუნდესტაგის წევრს, ედგარ ფრანკეს შეხვდნენ.

ქართველმა პარლამენტარებმა სტუმრებს გააცნეს ქვეყანაში მიმდინარე და ბოლო პერიოდში განხორციელებული რეფორმები. საუბარი ასევე შეეხო სამომავლო თანამშრომლობის საკითხებს.



„ძალიან საინტერსო და ნაყოფიერი დისკუსია შედგა. ჩვენ ხაზი გავუსვით გერმანიის დიდ მხარდაჭერას საქართველოსადმი, რომელსაც ძალიან ვაფასებთ. გავაცანით განხორციელებული საკონსტიტუციო რეფორმა, უზენაესი სასამართლოს მოსამართლეთა არჩევის რეფორმა და სასამართლოს ე.წ მეოთხე ტალღის რეფორმა. საუბარი ასევე შეეხო საარჩევნო კანონმდებლობის რეფორმირებას. სტუმრებმა ჩვენ მტკიცე მხარდაჭერა აღგვითქვეს“, - განაცხადა შეხვედრის კომენტირებისას იურიდიულ საკითხთა კომიტეტის თავმჯდომარემ, ანრი ოხანაშვილმა.