თეთნულდიდან სლოვაკეთის მოქალაქე გადავარდა და დაიღუპა
ამობეჭდვა · 17 / 06 / 2019 15:53
თეთნულდიდან სლოვაკეთის მოქალაქე გადავარდა და დაიღუპა

სვანეთში, თეთნულდის მთაზე 4 კაციანი ტურისტული ჯგუფიდან სლოვაკეთის მოქალაქე გადავარდა და დაიღუპა.

შემთხვევის ადგილზე შინაგან საქმეთა სამინისტროს სასაზღვრო პოლიციის ვერტმფრენით საგანგებო სიტუაციების მართვის სამსახურის განსაკუთრებულ საგანგებო სიტუაციებზე რეაგირების მთავარი სამმართველოს სწრაფი რეაგირების მაშველები გავიდნენ.

საძიებო სამუშაოების შემდეგ გარდაცვლილი ტურისტი მთის ფერდობზე იპოვნეს და მესტიაში გადმოასვენეს. დანარჩენმა ტურისტებმა მაშველების დახმარებაზე უარი თქვეს და მესტიისკენ გზა ფეხით გააგრძელეს. მათთან მუდმივ კავშირზე იმყოფება სამაშველო სამსახური, ტურისტების ჯანმრთელობას საფრთხე არ ემუქრება.

შინაგან საქმეთა სამინისტრომ მომხდარ ფაქტზე გამოძიება უკვე დაიწყო.

ტეგები