სუს-მა ქრთამის აღების ფაქტზე „სურსათის ეროვნული სააგენტოს" აჭარის რეგიონალური სამმართველოს უფროსი დააკავა
ამობეჭდვა · 05 / 07 / 2019 11:51
სუს-მა ქრთამის აღების ფაქტზე „სურსათის ეროვნული სააგენტოს" აჭარის  რეგიონალური სამმართველოს უფროსი დააკავა

სახელმწიფო უსაფრთხოების სამსახურის ანტიკორუფციული სააგენტოს  თანამშრომლებმა ჩატარებული ოპერატიულ-სამძებრო და საგამოძიებო მოქმედებების  შედეგად, გარემოს დაცვისა და სოფლის მეურნეობის სამინისტროსთან  თანამშრომლობით, ქრთამის აღების ფაქტზე, გარემოს დაცვისა და სოფლის  მეურნეობის სამინისტროს სსიპ „სურსათის ეროვნული სააგენტოს“ აჭარის  რეგიონალური სამმართველოს უფროსი ილია ს. დააკავეს.

"გამოძიებამ დაადგინა, რომ ილია ს-მ საქართველოს ფარგლებს გარეთ მსხვილფეხა  რქოსანი პირუტყვის გასაყვანად საჭირო ვეტერინარული სერთიფიკატის  გაცემისთვის ბიზნესმენს ქრთამის სახით მოსთხოვა და გამოართვა 3300 ლარი", - აცხადებენ უწყებაში.

გამოძიება ქრთამის აღების ფაქტზე მიმდინარეობს (საქართველოს სსკ-ის 338-ე  მუხლის 1-ლი ნაწილით, რაც სასჯელის სახით 6-დან 9-წლამდე ვადით  თავისუფლების აღკვეთას ითვალისწინებს).

გამოძიებას სახელმწიფო  უსაფრთხოების სამსახურის ანტიკორუფციული სააგენტო აწარმოებს.

ტეგები