ვინ შეარჩევს „ოსკარზე“ საქართველოდან წარსადგენ ფილმს
ამობეჭდვა · 19 / 07 / 2019 15:53
ვინ შეარჩევს „ოსკარზე“ საქართველოდან წარსადგენ ფილმს

ცნობილია კომისია, რომელიც ამერიკის კინოაკადემიის საერთაშორისო სრულმეტრაჟიანი ფილმის ნომინაციისთვის საქართველოს კანდიდატ ფილმს შეარჩევს. ინფორმაციას ამის შესახებ ეროვნული კინოცენტრი ავრცელებს.

კომისიის შემადგენლობაში იქნებიან: გაგა ჩხეიძე (ეროვნული კინოცენტრის დირექტორი), ნინო ანჯაფარიძე (თბილისის საერთაშორისო კინოფესტივალი), ნანა დოლიძე (საქართველოს განათლების, მეცნიერების, კულტურისა და სპორტის სამინისტრო), გიორგი ხარებავა (კინოსტუდია „ქართული ფილმი“), სულხან თურმანიძე (პროდიუსერი), ზურაბ ინაშვილი (რეჟისორი), ანკა კალატოზიშვილი (დამდგმელი მხატვარი), სალომე კიკალეიშვილი (კინოკრიტიკოსი), გიორგი მასხარაშვილი (რეჟისორი), არჩილ შუბაშვილი (კინოკრიტიკოსი), თემურ ჩხეიძე (რეჟისორი), ნატა მურვანიძე (მსახიობი), დათო ჯანელიძე (რეჟისორი).

ეროვნულმა კინოცენტრმა საქართველოს კანდიდატი ფილმის შერჩევა 2 ივლისს დაიწყო. სრულმეტრაჟიანი მხატვრული და დოკუმენტური ფილმების მიღების ბოლო ვადაა 2019 წლის 26 ივლისი (იხილეთ პირობები). კომისიის წევრებისთვის კანდიდატი ფილმების ჩვენება ივლისის ბოლოს იგეგმება. საქართველოს კანდიდატ ფილმს სპეციალური კომისია ფარული კენჭისყრის საფუძველზე არჩევს.