გლდანში ახლადრეაბილიტირებული პარკი 2 აგვისტოს გაიხსნება
ამობეჭდვა · 31 / 07 / 2019 13:00
გლდანში ახლადრეაბილიტირებული პარკი 2 აგვისტოს გაიხსნება

გლდანის მეექვსე მიკრორაიონში მდებარე ახლადრეაბილიტირებული პარკი 2 აგვისტოს საზეიმოდ გაიხსნება. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

„მინდა, ყველას მოგიწოდოთ, მობრძანდეთ შვილებთან და შვილიშვილებთან ერთად. 20:00 საათზე გვექნება ამ ულამაზესი,
რეაბილიტირებული პარკის გახსნა. აქ მოწყობილია ყველანაირი სივრცე დასვენებისთვის - სპეციალური ზონა ბავშვებისთვის, საკალათბურთო, საფეხბურთო მოედნები, სივრცე ძაღლების გასასეირნებლად და ასე შემდეგ. პარკი ყოველმხრივ კეთილმოწყობილი და გამწვანებულია, ახალი ხე-ნარგავებით. ასე რომ, შეგიძლიათ მობრძანდეთ, იქნება კონცერტი, საზეიმო განწყობა და დარწმუნებული ვარ, ამ პროექტით აუცილებლად ისიამოვნებთ“, - განაცხადა კახა კალაძემ.

ტეგები