საქართველოს პარლამენტის თავმჯდომარის მოადგილე სერგი კაპანაძე და ფრაქცია „ევროპული საქართველოს წევრი გიორგი ბოკერია აშშ-ის კონგრესის (წარმომადგენელთა პალატის) საგარეო ურთიერთობათა კომიტეტის აპარატის დელეგაციას შეხვდნენ.



„ შეხვედრაზე ვისაუბრეთ ქვეყანაში არსებულ მდგომარეობაზე, ჩვენი ქვეყნის საგარეო პრიორიტეტებზე, ნატოსთან ურთიერთობაზე, ამერიკასთან ურთიერთობასა და ევროინტეგრაციაზე, ასევე ქვეყნის შიგნით არსებულ გამოწვევებზე: რა საკვირველია, დემოკრატიის კუთხით, ძალადობასთან დაკავშირებით, მათ შორის, 20 ივნისის მოვლენების კონტექსტში, და ზოგადად იმასთან დაკავშირებით, თუ როგორი პოლიტიკა აქვს ხელისუფლებას რუსეთთან მიმართებაში“, - განაცხადა სერგი კაპანაძემ შეხვედრის შემდეგ.