სვანეთში, თეთნულდზე დაკარგული ტურისტების სამძებრო-სამაშველო სამუშაოებში ვერტმფრენიც ჩაერთო
ამობეჭდვა · 15 / 08 / 2019 10:05
სვანეთში, თეთნულდზე დაკარგული ტურისტების სამძებრო-სამაშველო სამუშაოებში ვერტმფრენიც ჩაერთო

სვანეთში, თეთნულდზე დაკარგულ სამ ტურისტის სამძებრო სამაშველო სამუშაოები დღეს დილიდან განახლდა. ამის შესახებ 1tv.ge წერს.

საგანგებო სიტუაციების მართვის სამსახურის ინფორმაციით, სამუშაოებში სასაზღვრო ვერტმფრენი ჩაერთო.

ბელარუსი ტურისტების დაკარგვის შესახებ შეტყობინება 112-ში გუშინ, საღამოს შევიდა. როგორც ცნობილია, სამივე ტურისტი ქალია. ორი მათგანი 60 წლამდე, ხოლო ერთი 36 წლამდე ასაკისაა.

არსებული ინფორმაციით, როდესაც ტურისტების ჯგუფი მწვერვალიდან ბანაკისკენ ბრუნდებოდა, სამი ტურისტი ჯგუფის წინ წავიდა, რის შემდეგაც ისინი მათთან ერთად ჯგუფში მყოფ ტურისტებს აღარ უნახავთ.

ტეგები