ნაძალადევის რაიონში, ზაქარაიას III შესახვევში გზის რეაბილიტაცია დასრულდა
ამობეჭდვა · 27 / 08 / 2019 16:56
ნაძალადევის რაიონში, ზაქარაიას III შესახვევში გზის რეაბილიტაცია დასრულდა

ნაძალადევის რაიონში, ზაქარაიას III შესახვევში გზა კაპიტალურად შეკეთდა. პროექტის ფარგლებში, მოეწყო სანიაღვრე ქსელი, ბორდიური და 1 209 კვ.მ ფართობზე ბეტონის საფარი დაიგო.

ნაძალადევის რაიონის გამგეობის მიერ გზის რეაბილიტაციის დაწყებამდე, კომპანია „ჯორჯიან უოთერ ენდ ფაუერმა“ მოძველებული მიწისქვეშა კომუნიკაციები ახლით შეცვალა.

რეაბილიტირებული შესახვევი ნაძალდევის რაიონის გამგებელმა ირაკლი ხელაძემ დაათვალიერა.

„ზაქარაიას III შესახვევში, რაიონის მასშტაბით ყველაზე რთული მდგომარეობა იყო. ძველი, დაზიანებული ქვაფენილის საფარზე მოსახლეობას გადაადგილება ძალიან უჭირდა. მიუხედავად იმისა, რომ აღნიშნული შესახვევის ქანობის და სივიწროვის გამო სამუშაოების შესრულება გართულდა, პროექტი წარმატებით დასრულდა და საგზაო ინფრასტრუქტურა მთლიანად მოვაწესრიგეთ“, - განაცხადა ირაკლი ხელაძემ.

აღნიშნული გზის კაპიტალური შეკეთებისთვის გამგეობამ ბიუჯეტიდან 91 000 ლარი გამოყო.

ტეგები