რუსეთში სასიკვდილო ვირუსების კვლევის ლაბორატორიაში აფეთქება მოხდა
ამობეჭდვა · 17 / 09 / 2019 15:47
რუსეთში სასიკვდილო ვირუსების კვლევის ლაბორატორიაში აფეთქება მოხდა

რუსეთში, ნოვოსიბირსკის რეგიონის ქალაქ კოლცოვოში აფეთქება მოხდა კვლევით ლაბორატორიაში, რომელიც ებოლას და აივის მსგავს სასიკვდილო ვირუსებს იკვლევს. როგორც BBC  წერს, ხანძრის შედეგად ჰაერში სახიფათო ვირუსები არ გავრცელებულა.

კვლევით ცენტრ „ვექტორში“ აფეთქება,  სარემონტო სამუშაოების დროს ბუნებრივი აირის გაჟონვამ გამოიწვია.

შემთხვევის შედეგად დამწვრობა ერთმა ადამიანმა მიიღო. ის მკურნალობას რეანიმაციულ განყოფილებაში გადის.

ცნობისთვის, „ვექტორში“ მსოფლიოში ვირუსების ერთ-ერთი ყველაზე მდიდარი კოლექცია ინახება. ცენტრი 1974 წელს აშენდა, ბაქტერიოლოგიური და ბიოლოგიური იარაღის წინააღმდეგ დაცვის მექანიზმების შემუშავების მიზნით.

ტეგები