ილონ მასკმა კოსმონავტიკის ისტორიაში ყველაზე მძლავრი რაკეტა წარადგინა
ამობეჭდვა · 01 / 10 / 2019 11:41

ილონ მასკმა საკუთარი კომპანიის ყველაზე ამბიციური პროექტი, გიგანტურ ხომალდ Starship-ის პროტოტიპი ოფიციალურად წარადგინა. Space X-ს ამ რაკეტასთან დაკავშირებით მართლაც გრანდიოზული გეგმები აქვს. უახლოეს ნახევარ წელიწადში Starship-მა ორბიტას უნდა მიაღწიოს, ამის შემდეგ კი დაიწყება მთვარეზე და მარსზე პილოტირებული მისიების დაგეგმვა. Starship-ს მხოლოდ კოსმოსის ათვისებისათვის არ გამოიყენებენ. გიგანტური რაკეტის საშუალებით ტვირთებს დედამიწის ერთი ნაწილიდან მეორეში უსწრაფესად გადაიტანენ.

Space X-მა კოსმონავტიკის ისტორიაში ყველაზე მძლავრი რაკეტა წარადგინა
Space X-მა კოსმონავტიკის ისტორიაში ყველაზე მძლავრი რაკეტა წარადგინა

Starship-ის პროტოტიპ Mk1-ის გვერდით პრეზენტაციის დროს Space X-ის პირველი რაკეტა Falcon-იც იყო წარმოდგენილი. Falcon კომპანიის პირველი რაკეტაა, რომელმაც 11 წლის წინ შეძლო ორბიტაზე გასვლა და ამით მასკის კომპანიის განვითარებას დაუდო საფუძველი.  

Space X-მა კოსმონავტიკის ისტორიაში ყველაზე მძლავრი რაკეტა წარადგინა
Space X-მა კოსმონავტიკის ისტორიაში ყველაზე მძლავრი რაკეტა წარადგინა

Mk1 ამჟამად ამჟამად ტეხასში, ბოკა ჩიკას პოლიგონზე იმყოფება. ინჟინრები მისი კონსტრუქციის დამუშავებას ჯერ კიდევ აგრძელებენ. პარალელურად ფლორიდაში, კანავერალის კონცხზე Space X-ის გუნდი მეორე პროტოტიპზე, Mk2-ზე მუშაობს. Starship Raptor-ის ექვსი ძრავით იქნება აღჭურვილი. Mk1 თავდაპირველად 20 კილომეტრის სიმაღლეზე უნდა ავიდეს. საცდელი ფრენა სავარაუდოდ ორ თვეში შესრულდება. 

Space X-მა კოსმონავტიკის ისტორიაში ყველაზე მძლავრი რაკეტა წარადგინა

Space X-მა კოსმონავტიკის ისტორიაში ყველაზე მძლავრი რაკეტა წარადგინა

ილონ მასკის განცხადებით Space X-ის ორივე გუნდი პარალელურ რეჟიმში მუშაობას გააგრძელებს. ორბიტას ან ტეხასში აწყობილი პროტოტიპი Mk3  მიაღწევს ან ფლორიდაში დამზადებული Mk4. იმის გათვალისწინებით, რომ კოსმოსური ხომალდები მრავალჯერადი დანიშნულების არიან, Space X-ის დამფუძნებელს იმედი აქვს, რომ მათი გამოცდა დროის მოკლე მონაკვეთში მოხერხდება.