MTV-მ მუსიკალური დაჯილდოების ნომინანტები დაასახელა
ამობეჭდვა · 01 / 10 / 2019 20:35
MTV-მ მუსიკალური დაჯილდოების ნომინანტები დაასახელა

MTV-მ Europe Music Awards 2019-ის ნომინანტები დაასახელა. შესაბამისი განცხადება ტელეკომპანიის ვებგვერდზე გამოქვეყნდა.

ყველაზე მეტი - 7 ნომინაცია 26 წლის არიანა გრანდემ მიიღო, მათ შორის ისეთ მნიშნველოვან კატეგორიებში, როგორებიც არის „საუკეთესო შემსრულებელი“, „საუკეთესო ვიდეო“, „საუკეთესო სიმღერა“.

6 ნომინაციაში გამარჯვებისთვის იბრძოლებს ბილი აილიში, რომელიც პრესტიჟულ ჯილდოზე პირველად არის წარდგენილი. 6 ნომინაცია კანადელ შონ მენდესს ხვდა წილად.

MTV Europe Music Awards-ის დაჯილდოების ცერემონია 3 ნოემბერს, ესპანურ სევილიაში ჩატარდება.