მამუკა მდინარაძე: როდესაც „მსოფლიო ბანკის“ რეიტინგებში ასეთი დაწინაურება გაქვს, არის აღიარება და ყველა დანარჩენი, რაც ამას ეწინააღმდეგება, არის მხოლოდ და მხოლოდ სპეკულაცია
ამობეჭდვა · 02 / 10 / 2019 15:11
მამუკა მდინარაძე: როდესაც „მსოფლიო ბანკის“ რეიტინგებში ასეთი დაწინაურება გაქვს, არის აღიარება და ყველა დანარჩენი, რაც ამას ეწინააღმდეგება, არის მხოლოდ და მხოლოდ სპეკულაცია

ფრაქცია „ქართული ოცნების“ თავმჯდომარე, მამუკა მდინარაძე მსოფლიო ბანკი რეიტინგებთან დაკავშირებით ოპოზიციის მიერ გამოთქმულ კრიტიკას გამოეხმაურა.

„დღეს ახალი პარადოქსული განცხადება მოვისმინეთ ოპოზიციის მხრიდან, რომ თურმე მათი მიწოდებული ინფორმაცია და მათი კვლევითი ორგანიზაციები როდესაც კვლევებს ატარებდნენ და შემდეგ საკმაოდ რეიტინგულ ორგანიზაციებს აწვდიან ამ ინფორმაციას, არის სწორი და „მსოფლიო ბანკის“ მონაცემები თურმე ტყუილი ყოფილა.

ყველაზე ობიექტური, ცნობილი, ავტორიტეტული ორგანიზაციები, რომელსაც ყურადღებას აქცევენ სახელმწიფოები, ბიზნესი, რომ შემდეგ ინვესტიციის ჩადება ან არ ჩადება გადაწყვიტონ სხვადასხვა ქვეყანაში, ეყრდნობიან, ყველაზე მთავარ საკითხად და პრიორიტეტად მიიჩნევენ „მსოფლიო ბანკის“ ასეთ რეიტინგებს და ამის მიხედვით განსაზღვრავენ თავის დღის წესრიგს.

როდესაც მსოფლიო ბანკის რეიტინგებში ასეთი დაწინაურება გაქვს ეს არის აღიარება და ყველა დანარჩენი თუკი ამს ეწინააღმდეგება, არის მხოლოდ და მხოლოდ სპეკულაცია“,-განაცხადა მამუკა მდინარაძემ.

ტეგები