ლვოვში ავარიული დაშვების დროს თვითმფრინავი ჩამოვარდა
ამობეჭდვა · 04 / 10 / 2019 12:06
ლვოვში ავარიული დაშვების დროს თვითმფრინავი ჩამოვარდა

უკრაინის ქალაქ ლვოვის აეროპორტში ავარიული დაშვების დროს სატვირთო თვითმფრინავი ჩამოვარდა. საგანგებო სიტუაციების სამსახურის ინფორმაციით , შემთხვევის შედეგად სამი ადამიანი დაიღუპა და სამი დაშავდა, კიდევ ორი ადამიანის ბედი კი უცნობია.

უწყების ცნობით, Ан-12-ის ტიპის თვითმფრინავის ბორტზე ეკიპაჟის 7 წევრი და ტვირთის ერთი გამყოლი იმყოფებოდა. თვითმფრინავი რადარებიდან ადგილობრივი დროით 07:10 საათზე გაქრა, 19 წუთში კი ეკიპაჟის ერთ-ერთმა წევრმა რადიოს საშუალებით ავარიული დაშვების შესახებ აცნობა. 07:46 საათზე თვითმფრინავი ასაფრენი ბილიკიდან 2 კილომეტრში აღმოაჩინეს.

ინფრასტრუქტურის სამინისტროში აცხადებენ, რომ შესაძლოა თვითმფრინავს საწვავის მარაგი ამოეწურა. სატვირთო თვითმფრინავი ესპანეთის ქალაქ ვიგოდან სტამბოლში მიფრინავდა, ლვოვში კი საწვავის მარაგი უნდა შეევსო.