"ვანო ჯავახიშვილი მაგარია...მომწონს თუ როგორ ხუმრობს, მათ შორის ჩემზე" - სააკაშვილი
ამობეჭდვა · 05 / 10 / 2019 17:15
"ვანო ჯავახიშვილი მაგარია...მომწონს თუ როგორ ხუმრობს, მათ შორის ჩემზე" - სააკაშვილი

საქართველოს ყოფილი პრეზიდენტი, მიხეილ სააკაშვილი იუმორისტ ვანო ჯავახიშვილის შესახებ სოციალურ ქსელში პოსტს აქვეყნებს:

"ვანო ჯავახიშვილი ძალიან მაგარია და მე ძალიან მომწონს თუ როგორ ხუმრობს, მათ შორის ჩემზე. ნუ ყველას თავისი გემოვნება აქვს და თუ ვინმეს არ მოეწონა, ამ არმოწონების გამოყენება ნაციონალური მოძრაობის ერთგული მხარდამჭერების დასაცინად ან მათზე ზემოდან საყურებლად ყოვლად უღირსი საქციელია. პირველ რიგში ამ ხალხის თავდადებაზე, პატრიოტიზმზე და იდეალიზმზე დგას ნაციონალური მოძრაობაც და ქვეყანაც, ამდენი წელია ისინი განიცდიან შევიწროვებას, დამცირებას, რეპრესიებს და არავისი დასაცინი ნამდვილად არაფერი სჭირთ. მათი გამოცხადება ბელადომანებად და ბნელებად მხოლოდ ამ გამომცხადებლების პირად კომპლექსებზე და არცთუ დიდ ინტელექტზე მეტყველებს. საქმეს მიხედეთ, საქმეს! საქართველოში უნდა გათენდეს!", - წერს სააკაშვილი ფეისბუქის პირად გვერდზე.

ტეგები