დღეს პარლამენტში დავით ზალკალიანს მოუსმენენ
ამობეჭდვა · 17 / 10 / 2019 10:02
დღეს პარლამენტში დავით ზალკალიანს მოუსმენენ

დღეს, მინისტრის საათის ფარგლებში, საკანონმდებლო ორგანოში საგარეო საქმეთა მინისტრ დავით ზალკალიანს მოუსმენენ. 

დეპუტატები საგარეო მიმართულებით არსებული გამოწვევებითა და სფეროში არსებული საკითხებით დაინტერესდებიან. ძირითადი თემები არაღიარების პოლიტიკა, რუს კოლეგასთან შეხვედრა და ოკუპირებული ტერიტორიები იქნება.

გარდა ამისა, მინისტრს კითხვებს დაუსვამენ დავით გარეჯის სამონასტრო კომპლექსის გარშემო განვითარებულ მოვლენებთან დაკავშირებითაც.

„მინისტრის საათი“ ახალი რეგლამენტით განსაზღვრული ფორმატია, რომელიც პარლამენტის პლენარულ სხდომაზე მთავრობის წევრების სამთავრობო პროგრამის შესრულების შესახებ მოხსენებით გამოსვლას გულისხმობს, რის შემდეგაც დებატები იმართება.
 

ტეგები