საფრანგეთი საიმიგრაციო წესებს ამკაცრებს
ამობეჭდვა · 07 / 11 / 2019 11:12
საფრანგეთი საიმიგრაციო წესებს ამკაცრებს

საფრანგეთის ხელისუფლება საიმიგრაციო წესებს ამკაცრებს. ინფორმაციას ამის შესახებ სააგენტო „როიტერი“ ავრცელებს.

საფრანგეთის პრემიერ-მინისტრის, ედურად ფილიპის მიერ გასაჯაროებული გეგმის თანახმად, ხელისუფლება მიგრანტთა კარვების რამდენიმე ქალაქის დაშლას აპირებს, ასევე იგეგმება ქვეყანაში ლეგალურად ჩასულ მიგრანტ მუშებზე კვოტების დაწესება.

ახალი წესების მიხედვით, საფრანგეთში ახალჩასული თავშესაფრის მაძიებლები ვერ ისარგებლებენ ჯანდაცვის სერვისით, გადაუდებელი სამედიცინო შემთხვევების გარდა.

სააგენტო „ფრანს პრესის“ ცნობით, პოლიციამ პარიზში, პორტ-დე-ლა-შაპელში მდებარე მიგრანტთა ბანაკიდან მიგრანტები უკვე გაიყვანა.

1tv.ge