გიგა მაქარაშვილმა და სხვა დაკავებულებმა სასამართლოში პროცესზე ჰიმნი იმღერეს
ამობეჭდვა · 19 / 11 / 2019 22:17
გიგა მაქარაშვილმა და სხვა დაკავებულებმა სასამართლოში პროცესზე ჰიმნი იმღერეს

თბილისის საქალაქო სასამართლოში 18 ნოემბრის აქციის დაშლის დროს დაკავებული რამდენიმე მოქალაქის სასამართლო სხდომაზე, დაკავებულებმა და სხდომაზე მყოფებმა საქართველოს ჰიმნი იმღერეს. ამის გამო მოსამართლემ რამდენიმე პირი სხდომათა დარბაზიდან გააძევა.

სამი ადამიანის გაძევებას კი პროცესზე ხმაური მოჰყვა.

აქციაზე დაკავებული 6 მოქალაქის, მათ შორის გიგა მაქარაშვილის საქმის განხილვა, დღეს მოსამართლემ რადმენიმე საათით გადადო, თუმცა განხილვა 4 საათის დაგვიანებით დაიწყო.

ამ პროცესამდე კიდევ სხვა 8 დაკავებულის საქმის განხილვა გაიმართა, სადაც მოსამართლე ვალერიან ფალიაშვილმა დაკავებული 8 მოქალაქის ადვოკატს მტკიცებულებების წარსადგენად ორი საათი მისცა.