ხარაგაულში ჩინური კომპანიის თანამშრომლები კორონავირუსზე შეამოწმეს
ამობეჭდვა · 27 / 01 / 2020 18:10
ხარაგაულში ჩინური კომპანიის თანამშრომლები კორონავირუსზე შეამოწმეს

დაავადებათა კონტროლის ეროვნული ცენტრის წარმომადგენლები ხარაგაულში, ჩინურ კომპანიაში დასაქმებულებს შეხვდნენ და კორონავირუსთან დაკავშირებით ინფორმაცია მიაწოდეს. ჩინურ სამშენებლო კომპანია „ხუნანში“ 1000 ადამიანია დასაქმებული.

ადგილზე აცხადებენ, რომ სამედიცინო კაბინეტში ყველა ადამიანის შემოწმება მიმდინარეობს და ამ დროისთვის საშიშროება არ არსებობს. მათივე თქმით, ვირუსის ნიშნები არც ჩინეთიდან დაბრუნებულ პირებს აღმოაჩნდათ.

დაავადებათა კონტროლის ეროვნული ცენტრის წარმომადგენლები დღესვე, ხარაგაულის მერს შეხვდნენ და შესაძლო საფრთხეები განიხილეს.

შეგახსენებთ, ჩინეთში კორონავირუსით უკვე 80 ადამიანი გარდაიცვალა, ინფიცირებულთა რიცხვმა კი 2744-ს მიაღწია.

imedinews.ge