საბანკო რეგულაციები, შესაძლოა, მარტიდან გამარტივდეს
ამობეჭდვა · 29 / 01 / 2020 15:31
საბანკო რეგულაციები, შესაძლოა, მარტიდან გამარტივდეს

მარტიდან შესაძლოა, საბანკო რეგულაციებში გარკვეული ცვლილებები შევიდეს და ისინი გამარტივდეს. როგორც ეროვნული ბანკის პრეზიდენტი კობა გვენეტაძე აცხადებს, ამჟამად ეს ცვლილებები დამუშავების პროცესშია.

„დეტალებს გავდივართ. აქტიურად მიმდინარეობს განხილვები“, – აღნიშნა გვენეტაძემ. მისივე თქმით, მოსალოდნელი ცვლილებები ტექნიკური ხასიათისაა და ბიუროკრატიის გამარტივებას ეხება, რაც რეგულაციებს მოქნილს გახდის.

ამასთან, როგორც გვენეტაძემ აღნიშნა, გასული წელი იყო საკმაოდ კარგი და რეგულაციებთან დაკავშირებით არსებული შიშების მატერიალიზება არ შედგა.