აჭარის ტელევიზიაში მაია მერკვილაძეს ნინო ხაჟომია შეცვლის
ამობეჭდვა · 24 / 02 / 2020 21:18
აჭარის ტელევიზიაში მაია მერკვილაძეს ნინო ხაჟომია შეცვლის

აჭარის ტელევიზიის ახალი ამბების სამსახურის ყოფილ უფროსსა და მთავარი საინფორმაციო გამოშვების რედაქტორს მაია მერკვილაძეს, მაუწყებლის დირექტორი გიორგი კოხრეიძე ტოქშოუს გაკეთებას სთავაზობს, 20:00 საათიანი გამოშვების ხელმძღვანელად კი მერკვილაძის ნაცვლად ნინო ხაჟომიას ნიშნავს.

ამ ცვლილებას “მედიაჩეკერთან” ადასტურებენ მაია მერკვილაძეც და ნინო ხაჟომიაც.

აჭარის ტელევიზიის საინფორმაციო გამოშვების ახალი რედაქტორი ნინო ხაჟომია წლების განმავლობაში რუსთავი 2-ზე გადაცემა “60 წუთში” მუშაობდა, 2018 წლიდან კი ტელეკომპანია“იბერიაში” დილის გადაცემა მიჰყავდა.

მაია მერკვილაძე ამბობს, რომ ამ გადაწყვეტილების შესახებ ექვს საათამდე არაფერი იცოდა და ჯერ არც ოფიციალური დოკუმენტი მიუღია. მას აქვს ინფორმაცია, რომ დირექტორს მისთვის ორი შეთავაზება აქვს:

“ვიცი, რომ ახალი ამბების რედაქციიდან გავყავარ და აღარ ვიქნები ახალი ამბების მომზადებაში ჩართული. მისი პროექტით, მე უნდა გავაკეთო რაღაც ტოქშოუ, რომელიც ჯერჯერობით მაუწყებელში არ არსებობს და გაუგებარია რაზეა საუბარი. თუკი ამ ვერსიას არ დავეთანხმები, რადიოში რედაქტორად მთავაზობს გადასვლას. ჩემი აზრით, ეს იმიტომ არის შემოთავაზებული, რომ მე წავიდე, დავტოვო მაუწყებელი”, - ამბობს იგი “მედიაჩეკერთან” საუბარში.

 

 

იხილეთ ვრცლად