მიუნხენში კორონავირუსის განზრახ გავრცელების ფაქტზე 33 წლის კაცი დააკავეს. ამის შესახებ Deutsche Welle წერს.

მედიის ცნობით, სავარაუდო დამნაშავემ ბავარიის დედაქალაქის მეტროში ბილეთების გასაყიდი აპარატები და აგრეთვე ესკალატორის მოაჯირები გალოკა.

კაცმა თავისი ქმედებები გადაიღო, ვიდეო კი შემდეგ სოციალურ ქსელებში გაავრცელა. გარდა ამისა, ვიდეოში ის ამტკიცებს, რომ კორონავირუსითაა დაინფიცირებული. ოფიციალურად ეს ინფორმაცია ჯერ არ დასტურდება.

ბოლო მონაცემებით, გერმანიაში ვირუსს 111 ადამიანი ემსხვერპლა, 26 220 კი დაინფიცირდა.