ინფიცირებულთა რაოდენობა გვაძლევს იმის თქმის საშუალებას, რომ ამ ეტაპზე პროცესი მართვადია - ჯანდაცვის მინისტრი
ამობეჭდვა · 07 / 04 / 2020 19:34
ინფიცირებულთა რაოდენობა გვაძლევს იმის თქმის საშუალებას, რომ ამ ეტაპზე პროცესი მართვადია - ჯანდაცვის მინისტრი

საქართველოში ინფიცირებულთა რაოდენობა გვაძლევს იმის თქმის საშუალებას, რომ ამ ეტაპზე პროცესი მართვადია, - ამის შესახებ ჯანდაცვის მინისტრმა, ეკატერინე ტიკარაძემ „მაესტროს“ ეთერში განაცხადა.

„არის პატარა მწვერვალები, როდესაც ჩვენ გვაქვს დღეში დაინფიცირებული და იდენტიფიცირებული პაციენტების რაოდენობა - 14,18,11, მაგრამ ასევე გვაქვს დღეები, როდესაც საერთოდ არავინ ფიქსირდება. ეს ყველაფერი გვაძლევს იმის თქმის უფლებას, რომ ამ ეტაპისთვის პროცესი ჯერ კიდევ მართულია. თუმცა სიფხიზლე და მართვის მენეჯმენტის ხარისხის მეტად უფრო გაუმჯობესება - ჩვენი მთავარი გამოწვევაა, რადგან ის სტატისტიკა, რომელიც დღეს ჩვენ გვაქვს, არ გაუარესდეს და პროცესის დინამიკაში მართვა შევძლოთ“, - აღნიშნა მინისტრმა.