თენგიზ ცერცვაძე - ასაკის შემდეგ სიმსუქნე მეორე რისკ-ფაქტორია კორონავირუსის დროს
ამობეჭდვა · 20 / 05 / 2020 15:15
თენგიზ ცერცვაძე - ასაკის შემდეგ სიმსუქნე მეორე რისკ-ფაქტორია კორონავირუსის დროს

 ასაკის შემდეგ სიმსუქნე მეორე რისკ-ფაქტორია კორონავირუსის დროს , - ამის შესახებ ინფექციური საავადმყოფოს დირექტორმა, თენგიზ ცერცვაძემ  „იმედის“ ეთერში განაცხადა.

„ნიუ-იორკში ჩაატარეს კვლევა 4 ათასზე მეტ კოვიდინფიცირებულ პაცინეტში. მივიდნენ საინტერესეო დასკვნამდე, რომ სიმსუქნე არის მეორე რისკ-ფაქტორი ასაკის შემდეგ ჰოსპიტალიზაციის პირობებში. ეს კვლევა საკმარისია იმის სახსენებლად, რამდენად უარყოფითია სიმსუქნე კოვიდ ინფექციის დროს. სიმსუქნე, ზოგადად, ხშირად ასოცირდება ისეთ დაავადებებთან, რომელიც თავის მხრივ რისკ-ფაქტორია“,- აღნიშნავს თენგიზ ცერცვაძე.

მისივე განმარტებით, აშშ-ში ბევრი 60 წელს ქვემოთ ადამიანი დაიღუპა. ახალგაზრდების გარდაცვალების მიზეზი კი სწორედ სიმსუქნე იყო.

შეგახსენებთ, რომ მსოფლიოში ახალი კორონავირუსით ინფიცირებულთა რაოდენობა 5 მილიონს გადაცდა. ამ დროისთვის, გლობალურად კორონავირუსის 5 003 155 შემთხვევა ფიქსირდება. ამასთან, ვირუსს ემსხვერპლა 325 218 ადამიანის სიცოცხლე.