საბურთალოზე მდებარე ერთ-ერთ კორპუსში COVID-19-ით ოჯახის 7 წევრია დაინფიცირებული
ამობეჭდვა · 30 / 05 / 2020 12:15
საბურთალოზე მდებარე ერთ-ერთ კორპუსში COVID-19-ით ოჯახის 7 წევრია დაინფიცირებული

7 ინფიცირებული ერთი ოჯახიდან - "კურიერმა" იმ კორპუსის მისამართი გაარკვია, სადაც შემთხვევა გამოვლინდა. კორპუსი თბილისში, საბურთალოზე მდებარეობს.

არსებული ინფორმაციით, ინფიცირებულთა კონტაქტები მასშტაბურია. ოჯახის ერთ-ერთი წევრი ექთანია და ინფიცირების წყარო სავარაუდოდ სწორედ ის გახდა. დაინფიცირებულია ქალის მამა, ბებია, მამიდა, ბიძა, და და დისშვილი.

ოჯახის საცხოვრებელ კორპუსში დღეს ეპიდემიოლოგებს კიდევ ერთხელ ელოდებიან. იყო ვარაუდი, რომ შესაძლოა კორპუსი კარანტინში მოქცეულიყო.

კორპუსის მაცხოვრებლების თქმით, მათ ტესტირება ყველას ჩაუტარდათ, თუმცა ახალი შემთხვევები არ გამოვლენილა.