სასწრაფო დახმარების პერსონალსა და სოფლის ექიმებს ხელფასები 100 ლარით გაეზარდათ
ამობეჭდვა · 01 / 07 / 2020 16:40
სასწრაფო დახმარების პერსონალსა და სოფლის ექიმებს ხელფასები 100 ლარით გაეზარდათ

დღეიდან სასწრაფო დახმარების პერსონალსა და სოფლის ექიმებს ხელფასი 100 ლარით გაეზარდათ, – ამის შესახებ საქართველოს ჯანდაცვის მინისტრმა, ეკატერინე ტიკარაძემ სენაკში სასწრაფოს ექიმებთან შეხვედრის დროს განაცხადა.

„აქვე გეტყვით, რომ დღეიდან 30 ლარით იზრდება 70 წლის და უფრო მაღალი ასაკის პირთა პენსია. ასევე, პირველი ივილისიდან პირველი ჯგუფის შეზღუდული შესაძლებლობის მქონე პირებს და ბავშვებს სოციალური პაკეტი დამატებით 30 ლარით ეზრდებათ“, – აღნიშნა მინისტრმა.

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კამპანიის „ერთი თვე სამინისტროსთან ერთად“ ფარგლებში ეკატერინე ტიკარაძემ, სამეგრელო-ზემო სვანეთის მხარეში სახელმწიფო რწმუნებულ ალექსანდრე მოწერელიასთან და ცენტრის დირექტორ ავთანდილ თალაკვაძესთან ერთად, მარტვილში, სენაკსა და ხობში სასწრაფოს რაიონული შენობები გახსნა და სასწრაფოს მედპერსონალთან შეხვედრა გამართა.