NASA-მ მარსზე როვერი Perseverance გაუშვა
ამობეჭდვა · 30 / 07 / 2020 16:29
NASA-მ მარსზე როვერი Perseverance გაუშვა

აშშ-ის კოსმოსურმა სააგენტომ (NASA) მარსმავლის Perseverance („შეუპოვრობა“) გაშვება წარმატებით განახორციელა. ამის შესახებ BBC წერს.

გამოცემის ინფორმაციით, როვერი წითელ პლანეტას 7 თვის შემდეგ მიაღწევს. აპარატის მთავარი მიზანი მარსზე სიცოცხლის კვალის აღმოჩენაა. Perseverance ავტომობილის ზომისაა და წიაღისეულების აღმოჩენისთვის საჭირო ხელსაწყოებით არის აღჭურვილი.

ივლისის განმავლობაში ეს მარსისკენ გაშვებული უკვე მესამე აპარატია. მანამდე წითელ პლანეტაზე თავისი აპარატები არაბთა გაერთიანებულმა საემიროებმა და ჩინეთმა გაუშვეს.