ირაკლის დედა გარდაიცვალა...კინოგმირივით ღირსეული ქალი, საოცარი თვისებების, რომელზეც დაუსრულებლად შემიძლია ვილაპარაკო - ნათია ფანჯიკიძე
ამობეჭდვა · 14 / 10 / 2020 14:17
ირაკლის დედა გარდაიცვალა...კინოგმირივით ღირსეული ქალი, საოცარი თვისებების, რომელზეც დაუსრულებლად შემიძლია ვილაპარაკო  - ნათია ფანჯიკიძე

საქართველოს თავდაცვის ყოფილი მინისტრის, ირაკლი ალასანიას დედა გარდაიცვალა. ამის შესახებ ინფორმაციას ალასანიას მეუღლე, ფსიქოლოგი ნათია ფანჯიკიძე სოციალურ ქსელში წერს.

"ირაკლის დედა გარდაიცვალა. შაბათს 2-ზე დავკრძალავთ.
ჩემი შვილების ერთადერთი, ერთგულად რომ ცოცხლობდა აქამდე, ბებოც წავიდა. ნიკუშას დახვდა დაძინებული. ძალიან კარგი ექიმი, დაუჯერებლად, კინოგმირივით ღირსეული ქალი, საოცარი თვისებების, რომელზეც დაუსრულებლად შემიძლია ვილაპარაკო და რა უცნაური რამეა, რომ შვილიშვილებისთვის მაინც ისაა ხოლმე მთავარი, რომ ბებოები დედაზე გემრიელ კარტოფილს წვავენ. ნიკუშას ერთერთი საყვარელი იუმორისტული ხაზი სადილის მერე დოდოსთან დარეკვა და თქმა იყო, როგორ ცუდად გამოვკვებე და როგორ შეცდა და ნანობს, რომ მასთან მისვლა ვერ მოახერხა.

მისამართია გამრეკელის (ყოფილი კუტუზოვის) მეორე კორპუსი, მაგრამ კოვიდის გათვალისწინებით, რათქმაუნდა, საბოდიშო არავის აქვს. ამბავი გაგაგებინეთ უბრალოდ", - წერს ფანჯიკიძე.