თურქეთის პრეზიდენტმა რეჯეპ ტაიპ ერდოღანმა განაცხადა ნაწილობრივი კომენდანტის საათის დაწესების შესახებ შაბათ-კვირას.

“ჩვენ გადავწყვიტეთ ახალი ზომების მიღება, შაბათ-კვირას დაწესდება კომენდანტის საათი, 10:00 საათიდან 20:00 საათამდე”, – თქვა თურქეთის პრეზიდენტმა მთავრობის სხდომის შემდეგ ანკარაში გამართულ პრესკონფერენციაზე.

გარდა ამისა, რესპუბლიკის ხელისუფლებამ კინოთეატრების დახურვა ამ წლის ბოლომდე გადაწყვიტა.

კორონავირუსის წინააღმდეგ ბრძოლის ფარგლებში, ასევე გადაწყდა, რომ რესტორნებსა და კაფეებს საშუალება მიეცემათ, იმუშაონ მხოლოდ მიწოდებისთვის. 10:00 საათიდან 20:00 საათამდე შეიზღუდება სავაჭრო ცენტრები, მაღაზიები და საპარიკმახეროებიც.