გლდანის კარფურში ყოფილმა ქმარმა ცოლი საკანცელარიო დანით დაჭრა
ამობეჭდვა · 23 / 11 / 2020 19:35
გლდანის კარფურში ყოფილმა ქმარმა ცოლი საკანცელარიო დანით დაჭრა

„კარფურის“ გლდანის ფილიალში კაცი ქალს თავს დაესხა და ჭრილობა ცივი იარაღით მიაყენა, კერძოდ საკანცელარიო დანით.

გავრცელებული ინფორმაციით, თავდამსხმელი სავარაუდოდ ყოფილი მეუღლეა, რომელზეც შემაკავებელი ორდერი იყო გაცემული.

„უბრალოდ შემოვიდა, წამებში მოხდა ეს ყველაფერი. 5 წამის განმავლობაში მოხდა ყველაფერი და 5 წამშივე დასრულდა. ჭრილობა კისრის არეში მიაყენა. ქალი ჩვენი თანამშრომელია.“, – განუცხადა „პრაიმტაიმს“ კარფურის საზოგადოებასთან ურთიერთობის სამსახურის წარმომადგენელმა ნინო რამიშვილმა.

ქალის ჯანმრთელობის მდგომარეობა სტაბილურია, ხოლო თავდამსხმელი სავაჭრო ცენტრის დაცვამ ადგილზევე დააკავა.